ម៉ូស្គូច្រានចោលពាក្យចោទរបស់វ៉ាស៊ីនតោនដែលថារុស្ស៊ី “ជួយ”ពួកតាលីបង់ស្អីណា😜😂
ថ្ងៃសុក្រនេះ ក្រុងម៉ូស្គូ បានបដិសេធការចោទប្រកាន់បន្លឺឡើង ដោយក្រុង វ៉ាស៊ីនតោន ដែលថារុស្ស៊ី ចេះតែជួយស្អីណាដល់ពួកតាលីបង់ ដែលកំពុងច្បាំងទល់នឹងកងទ័ពរដ្ឋាភិបាលអាហ្វហ្កានីស្ថាននិងទល់នឹងកងទ័ពអូតង់ដែលប្រចាំការក្នុងប្រទេសនេះដោយបរិហារពាក្យចោទប្រកាន់បន្លឺឡើងម្សិលមិញពីខាងឧត្តមសេនីយអាមេរិកាំងថា ជា ”សំដីកុហក”និង“ផ្តេសផ្តាស”។
“គឺជាសំដីបោកបញ្ឆោតសុទ្ធសាធ”-សេចក្តីនេះ ត្រូវបានថ្លែងព្រឹកមិញទៅទីភ្នាក់ងារព័ត៌មាន RIA Novosti ដោយលោក Zamir Kaboulov ប្រេសិតវិសាមញ្ញរបស់វិមានក្រេមឡាំងខា បញ្ហាអាហ្វហ្កានីស្ថានដែលក៏ដឹកនាំនាយកដ្ឋានទទួលបន្ទុកប្រទេសនេះក្នុងក្រសួងការបរទេសរុស្ស៊ី។ គាត់បន្ថែមថា ៖ គឺជាសំដីផ្តេសផ្តាសសម្រាប់ដោះសាបរាជ័យពួកយោធានិងពួកអ្នកនយោបាយអាមេរិកាំងក្នុងយុទ្ធនាការរបស់ពួកគេនៅអាហ្វហ្កានីស្ថាន។
ថ្លែងម្សិលមិញក្នុងសភាអាមេរិកាំង ឧត្តមសេនីយ Curtis Scaparrotti ជាមេទ័ពអូតង់នៅអឺរ៉ុប បានប្រកាសថា ម៉ូស្គូ “ប្រហែល” ផ្តល់ស្បៀងដល់ពួកតាលីបង់ប៉ុន្តែគាត់មិនបានលំអិតឡើយតើជាស្បៀងប្រភេទណាជាយោធបរិក្ខារ ជាអាវុធ ឫ ជាអ្វីផ្សេងដែល”ប្រហែល” ជាទទួលបានដោយពួកតាលីបង់។
ចំណែក មេបញ្ជាការទ័ពអាមេរិកាំងនៅអាហ្វហ្កានីស្ថាន ឧត្តមសេនីយ John Nicholson កាលពីខែកុម្ភៈ ធ្លាប់បានបន្ទោសរុស្ស៊ីទៅហើយ ថា “ ជួយចូកចែវនិងផ្តល់ភាពស្របច្បាប់ “ ដល់ពួកតាលីបង់ដែលផ្ទុយនឹងផែនការអូតង់ក្នុងប្រទេសនោះ។
ម៉ូស្គូ បានបញ្ចេញយោបល់ជាច្រើនលើកទៅហើយថា ពួកតាលីបង់ត្រូវតែរួមចំណែកខ្លួន ក្នុង “កិច្ចសន្ទនាស្ថាបនា” ដើម្បីស្វែងរកច្រកចេញពីជម្លោះនៅអាហ្វហ្កានីស្ថានជាទីដែលយុទ្ធនាការរាលដាលកាន់តែខ្លាំងឡើងហើយអង្គការភេរវនិយម”រដ្ឋអ៊ីស្លាម” បន្តដុះឬសវា។
ក្នុងខែធ្នូឆ្នាំ ២០១៥ លោក Kaboulov បានថ្លែងថា ទីដៅរបស់ពួកតាលីបង់គឺ”ស៊ីគ្នា”នឹងទីដៅរបស់ម៉ូស្គូក្នុងការប្រយុទ្ធទល់នឹងអង្គការ”រដ្ឋអ៊ីស្លាម”ថ្វីត្បិតតែពួកនោះត្រូវរុស្ស៊ីចាត់ទុក ជាក្រុមភេរវជនដែលហាមប្រាមនៅរុស្ស៊ីក្តី។
រុស្ស៊ីខំរារាំងដល់ការផុសផុលឡើងនៃពួកជីហាដក្នុងប្រទេសអាហ្វហ្កានីស្ថានដោយខ្លាចក្រែងពួកនោះពាំនាំជាអស្ថិរភាពដល់ស្ថានការណ៍នៅតាមអតីតសាធារណរដ្ឋសូវៀតតំបន់អាស៊ីកណ្តាលដែលម៉ូស្គូចាត់ទុកជាដែនឥទ្ធិពលខ្លួន៕
Post a Comment