ស្រណោះណាស់!!! មិនដឹងមូលហេតុអ្វី បុរសម្នាក់ទៅដាក់មង បែរជាលង់ទឹកស្លាប់ 😢😢
ខេត្តកំពង់ស្ពឺ៖ បុរសម្នាក់បានលង់ទឹកស្លាប់ ខណៈដែលទៅដាក់មងម្នាក់ឯង មិនដឹងមូលហេតុ។ ហេតុការភ្ញាក់ផ្អើលកាលពីវេលាម៉ោង ៤និង៣០នាទីល្ងាច ថ្ងៃទី១០ ខែមេសា ឆ្នាំ២០១៧ នៅក្នុងស្រះទឹកក្នុងភូមិទី៥ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
នគរបាលបាននិយាយអោយដឹងថា បុរសរងគ្រោះមាន ឈ្មោះ កុយ ថា ភេទ ប្រុស អាយុ ៤៤ ឆ្នាំ មុខរបរចាំចំការ ភូមិ ទី៥ ឃុំ ត្រែងត្រយឹង ស្រុក ភ្នំស្រួច ខេត្តកំពង់ស្ពឺ។
នគរបាលបាននិយាយអោយដឹងថា នៅមុនពេលកើតហេតុ បុរសរងគ្រោះ បានទៅដាក់មងនៅចំណុចស្រះទឹកក្នុងភូមិបណ្តាលអោយលុងទឹកស្លាប់រហូតដល់ម៉ោង៥/៣០ នាទីល្ងាចទើបក្រុមគ្រួសារដើររកឃើញក៏បានយកមកផ្ទះ ក្រុមគ្រួសារបានបញ្ជាក់ថា ពិតជាលុងទឹកដោយខ្លួនឯងពិតប្រាកដមែន ។
ក្រោយកើតហេតុនគរបាលមូលដ្ឋានបានធ្វើឯកសារ តាមនីតិវិធីនិងប្រគល់សពអោយក្រុមគ្រួសារធ្វើបុណ្យតាមប្រពៃណី ៕ ដោយ សុវណ្ណ វឌ្ឍនៈ
ផ្តល់សិទិ្ធដោយ៖ VD7NEWS.COM
Post a Comment